“Mini Futurisme” kysymly kyssajyklar - GMO-ň ähmiýeti

GMO-Ň ÄHMIÝETI

-Nadanlaň sürüsi! Bi akmak adamjyklar, ynsan organizmini genetiki modifisirlemäň öz durmuşlaryny näderejede ýeňilleşdirjekdigine düýbünden düşünmän ýatyrlar! Men yglan edýän! Ynsanyýetiň taryhyndan homo habilisiň, homo ergasteriň, homo erectusyň we beýlekileň ýitip gidişi ýaly, indi homo sapiýensiňem möwriti ötdi! Indiki gezek HOMO GENERE MUTATIOŇKY!!!-diýip, barlaghanaň ýap-ýagty otagynda duran, lül-gammar alym, üçünji eli bilen göbeginiň ýokarysyndaky ikinji burnunyň sümügini süpürdi.
-Howwa, howwa! Siz örän dogry aýdýaňyz, gadyrdan kärdeşim! Esasanam, jahyl adamlaň öz bedenlerine girizilýän üýtgeşmeleň estetiki tarapyna wäpşe akly çatmyýa...-diýip, ondan beter yraň atýan kärdeşi, syrtyndaky dördünji agzy bilen bazzyk-buzzuk edip, söhbetdeşiniň aýdanyny tassyklamaga howlukdy...