Azatlyk

AZATLYK

Halka – azatlyk!
Maňa – azatlyk!
Ýurda – azatlyk!
Şeýle gazaply ses bilen,
Hem uly höwes bilen,
Şu sözleri gaýtalaryn.
Gülläň aşagynda, ýalyn içinde,
Gaýtalaryn uly iliň içinde.
Halka – azatlyk!
Maňa – azatlyk!
Üurda – azatlyk!
Mukaddes derýanyň uly köprüsi,
Gaýtalar muny.
Ýeliň şuwwuldysy,
Ýyldyrymyň güwwüldisi,
Göýä adam ýaly,
Gaýtalar batly,
Sesi haýbatly:
- Azatlyk! Azatlyk! Azatlyk – diýip.
Men bu sözi ähli ýere ýazýaryn,
Diwarlara, gapylara ýazýaryn.
Hasratly topragymyň her daban ýerin,
Bu söz bilen doldyryn.
Türmelere, köçelere, her ýere,
Ýazmak üçin barýaryn.
Bu sözi gaýtalar ýakynym -- daşym,
Ol aňladýar meniň beýik göreşim.
Halka – azatlyk!
Maňa – azatlyk!
Ýurda – azatlyk!
Mukaddes derýanyň uly köprüsi,
Gaýtalaýar muny.
Ýeliň şuwwuldysy,
Ýyldyrymyň güwwüldisi...
Göýä adam ýaly,
Gaýtalar şuny:
- Azatlyk! Azatlyk! Diňe Azatlyk!

Fadwa TUKAN,
Palestina.

Terjime eden Allaýar ÇÜRIÝEW.