Buk agajy

BUK AGAJY

Görnükli ukrain ýazyjysy, dostum Wasil Zemlýagyñ ýadygärligine.

Dik başy silkmeli merdana meñzäp,
Eden ýagşylygy dür dänä meñzäp,
Ýaýran her şahasy bir dana meñzäp,
Otyr but agajy, dem alyp otyr.

Yhlasly topraga başyn egipdir,
Gollary sallanyp, ýere degipdir,
Ýapraklary köpük ýaly çogupdyr,
Mähriban toprakdan nem alyp otyr.

Şahalary aýaksyza pişekdi,
Ýapraklary düşeksize düşekdi,
Ýagyş ýagsa baryñ, oglan-uşakly,
Göýä bir saýawan güberlip otyr.

Gün düşse, ýyldyrar ýalañaç başy,
Başyna ýygnar ol bir süri guşy,
Ýowuz jeñde galdy agyr geçmişi,
Süññünde faşistiñ güllesi ýatyr.

Päliwan görnüşi galypdyr ýatda,
Ömürylla ýan bermedi haýhatda,
Bilmekçimi? - Mekany oñ Karpatda,
Gidiñ, yhlas görme-görüşe ýetir.

Sараrmyrat ÖWЕZBERDIÝEW.