23:46 Çagalar mekdebe barýar | |
ÇAGALAR MEKDEBE BARÝAR
Çagalar ir säher mekdebe barýar, Şadyýanja, Ýüz gözleri eýjejik, Ýaşajyk ýürekler umytly urýar, Gürleşýärler, Gülüşýärler keýp edip. Synlap söýgi bilen älem-jahany, Hem çözýärler Kyn sowalyň jogabyn. Olaň hersi bir ak öýüň bahary, Olaň bary bu türkmeniň dowamy Boluşyp özara jedirde-jedir, Gülüşip özara mekdebe sary Barýarlar çagalar geljege sary. Kimsi ketenili, Başy tahýaly, Arassaja, Tertiplije, Görmegeý. Olar bilýär indi beýik aslyny, Öz geçmişin öwrenýärler göwnejaý. Kemsitmeler, gorky-ürki ýa heder, Olaň çaga dünýäsinden alysda. Sebäp bizde şugla saçyp Gün hem Aý, Şükür Hudaý, Asmanymyz arassa. Säher toý köýnegin, Egnine geýse, Şondan uly bagt, Bolarmy heý-de?! Çagalar ir säher mekdebe barýar, Ylym dünýäsine — mekdebe barýar, Beýik geçmişine, Geljege barýar, Hakydada baky galjaga barýar. Barýar olar, Belent tutup ruhuny, Batly gadam bilen, Şanly asyrda. Mekdep üçeginde, Ýaşyl Tugumyz, Nurun saçyp, Görünýärdi pasyrdap. Bäşim ATAÝEW. | |
|
√ Tazy / Goşgular - 30.01.2024 |
√ «Отвергнув гордое сомненье…» / Goşgular - 29.02.2024 |
√ Estagfurullaly bentler / Goşgular - 14.02.2024 |
√ Perişan kalbyñ umydy / Goşgular - 01.01.2024 |
√ Tilki bilen üzüm / basnýa / Goşgular - 10.01.2024 |
√ Kyrk ýaşa ýüzlenme / Goşgular - 03.02.2024 |
√ Kyrk ýaşa ýeteniñde / Goşgular - 03.02.2024 |
√ Düýş hem ýagyş / Goşgular - 09.01.2024 |
√ Ýolbars we Möjek / basnýa / Goşgular - 05.01.2024 |
√ Sowuk söz / Goşgular - 31.01.2024 |
Teswirleriň ählisi: 0 | |