Gözlerim seni görse

GÖZLERIM SENl GÖRSE

Kalbyma şatlyk dolýar,
Gözlerim seni görse.
«Bar işim»rowaç bolýar,
Gözlerim seni görse.

Zym-zyýatdyr aladam,
Yşka düşýän ýaňadan,
Bolýan men, «Bagtly adam»,
Gözlerim seni görse.

Bilýän, ömür däl baky,
Hiç kimsäniň ýok haky,
Kär etmez ajal oky,
Gözlerim seni görse.

Hyýal bardyr aşykda,
Gel, göreýin işikde,
Gözüm açyp düşekde,
Gözlerim seni görse.

Illi aýdar, aşyk men,
Yşkdan gaýnap joşup men,
Her gün saňa duşup men,
Gözlerim seni görse.