Näzli dilber

NÄZLI DILBER

Bir bak, bäri ýylgyryp,
Gülsene, näzli dilber.
Gujaga gollar gerip,
Dolsana, näzli dilber.

Gozüm gözleriň zary,
Sensiz biderek «bary»,
Köňlümiň howandary,
Bolsana, näzli dilber.

Bilbil güller içinde,
Bulut ýeller «göçünde»,
Gunça gülün açanda,
Ol saňa näzli dilber.

Görüp-görşüp dursakda,
Syr bildirmän ýörsekde,
Atygsap dur, gursakda,
Alsana, näzli dilber.

Ýoga gatma, bardyryn,
Kem paý tutma, hödüriň,
Gadyr bileniň gadryn,
Bilsene, näzli dilber.

Göze ýakymly, özüň,
Derde derman her sözüň,
Göreýin güler ýüzüň,
Gelsene, näzli dilber.

Illi diýr: «Duşsak ýene»,
Başyň goýsaň egnime,
Eglen, biraz-birneme,
Galsana, näzli dilber.