15:01 Kemine | |
KEMINE
Kalbynda bezäp adyñy, Toý tutýar iller, Kemine. Ýaýradyp şan-şöhratyñy, Wasp edýär diller, Kemine. Durmuş girdabyna düşdüñ, Döwür kapas, sen bir guşduñ, Ýoksuzlykdan ýanyp-bişdiñ, Agyrdy hallar, Kemine. Pirleri çürkäp diliñde, Taýyndy galam eliñde. Tebsiräp gezen çölüñde Akdyrýas siller, Kemine. Nesilleriñ azat gezýär, Şägirtleriñ şygyr düzýär, Señ heýkeliñ daşyn bezýär, Ter gunça-güller, Kemine. ■ MOLLANEPES Goşgy ýabyn arçap-artan, Mollanepes, Mollanepes. Söz bagynyñ gülün çürten, Mollanepes, Mollanepes. Söýgä berdiñ sen yhlasy, Goşgulañ onuñ günäsi, Yşk mülküniñ bolduñ şasy, Mollanepes, Mollanepes. Äşgär etdiñ yşkyñ syryn, Eserleriñ aldy orun, Seçdiñ saýlap sözleñ dürün, Mollanepes, Mollanepes. Tahyr boldy Hoja Anna, Zöhre onuñ mydam ýanna, Toý tutýarys olañ şanna, Mollanepes, Mollanepes. Kanal çöli söküp barýar, Guma jähek çekip barýar, Ylhamyñ dek akyp barýar, Mollanepes, Mollanepes. Çary GURBANGYLYJOW. | |
|
√ Käbir aýallara melek diýýäñiz / Goşgular - 04.02.2024 |
√ At galar / Goşgular - 11.02.2024 |
√ Düýşgowuran / Goşgular - 08.04.2024 |
√ "At bilen kowalap gördüler ony..." / Goşgular - 01.01.2024 |
√ Ýagyş damjasy / Goşgular - 24.03.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Perişan kalbyñ umydy / Goşgular - 01.01.2024 |
√ "Gelin jan..." / Goşgular - 26.03.2024 |
√ Tilki bilen üzüm / basnýa / Goşgular - 10.01.2024 |
√ Nädip ýaşamaly?! / Goşgular - 13.01.2024 |
Teswirleriň ählisi: 1 | |
| |