08:04 Ojak oýlanmasy | |
OJAK OÝLANMASY
Kerkawderäň çeşmesiniň başynda Oturyp çay içdim gara tüňçeden. Şirin owazyny diňläp çynaryň, Hem suwa batyryp iýdim külçeden. Atam synlan daglaryny synladym, Meýmiredim müň ýaş arça astynda. Atam ýören gaýalardan ýöredim, Käkilikleň gezmedim men kastynda. Ýadymda ir bilen ojak başynda, Üýşüp çaý içerdik köze çoýunyp. O döwürden, näme, müň ýyl geçipmi? Dur bu gün ojagyň ýeri oýulyp! Maşyn geçse tos-tozana öwrülen, Onuň ýaşan köçesini ýatladym. Ýöne weli atam elleri degen Tünegini, keçesini tapmadym... 21.09.2019. | |
|
√ Puluň başarnygy barada agymtyl goşgy / Goşgular - 10.01.2024 |
√ Atsyz goşgy / Goşgular - 31.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ "Gelin jan..." / Goşgular - 26.03.2024 |
√ Düýş hem ýagyş / Goşgular - 09.01.2024 |
√ "Ulag gidip barýar..." / Goşgular - 28.04.2024 |
√ Was-wasylara... / Goşgular - 23.01.2024 |
√ Ýolbars we Möjek / basnýa / Goşgular - 05.01.2024 |
√ Ynanarmykan? / Goşgular - 30.01.2024 |
√ Bagyşla! / Goşgular - 01.01.2024 |
Teswirleriň ählisi: 2 | ||
| ||