Pursat

PURSAT

Galamym ýenede dymdy yzaly,
Gutaraýdymyka ýazarlyk gorum.
Goşgular depderim gysyp gursagma,
Kalbym pyşyrdady "Ine meň barym".

Indi bir dem nazar aýlap geçene,
Ýazanlanlaryň agramyny ölçäli.
Gury söze ahmal galan bolaýma,
Ýokdur kämilligiň bellibir çägi.

Iliň-günüň okadymy setirleň,
Ýa-da kowalaşyp ýörüsmi sana.
Müň kitap däl, bir söz galdyr maňyzly,
Şoň abraýy ýeterlik bor ynsana.

Howlukma, ýazmaga gijä galmarsyň,
Hyrydar mydam bor maňyzy doka.
Galam depderiňi ýygna bir pursat,
Häzir diňe oka, oka, oka!

Annabeg AÝMAKOWA,
Döwletmämmet Azady adyndaky Türkmen milli dünýä dilleri institutynyň talyby.