Sarpa

SARPA

Buýsanyp gez ataña,
Guwanyp gez eneñe.
Al atañy arkaña,
Eneñi-de egniñe.

Belent dünýäñ ýüzünde
Ol adamlañ sarpasy.
Olar seniñ daýanjyñ,
Sen olaryñ arkasy.

Akyl ýetir kän zada,
Bölünensiñ ýürekden.
Añsat aýrylýan däldir
Syna birek-birekden.

Goý, sarsdyrsyn göwräñi
Atañ ýürek urgusy.
Siñsin onki synaña,
Bolup buýsanç urbasy.

Ene mähir gabydyr,
Sen ony göter egne.
Baş eg onuñ öňünde,
Daş taşlama etegne.

Şyhmyrat ABDYLLAÝEW.