10:11 "Sen maňa dymma diýme!.." | |
|
"SEN MAÑA DYMMA DIÝME!.."
Sen maňa dymma diýme! Sen maňa «Dymma!» diýme... Ir düşündim jadysyna sözleriň, Ir düşündim azabyna, hasabyna, gymmatyna... Sözler... Käbiri-hä çoýdy kalbymy, Käbiri otlady — ýandym, lowladym. Söz oguşýa jennetiň müň jilwesi, Söz oguşýa müň bir jebri dowzahyň. Gör-ha, näçe gezek görkezdi ykbal Sözler içre uçut baryn, gorp baryn. Diliňe ýarmaşyp, alnyňdan çykýan Men sözlerden öler ýaly gorkýaryn. Ýalňyşdym käteler sözümi oýlap ýa-da aýdaýmagyň amatyn peýläp, Geçirdim kän pursatlary duşumdan. Geň ýeri, şol ýowuz ýitgilerime Gelip ýene hoş sözlerde duşdum men. Sözlere tabşyryp amanat jany, Ölmez-ýitmez sözde täzeden dogdum. Alaga-da, «Ýüregimi açardan sözler ejiz» diýip, ýöntemligimi Söze ýöňkemäge ysmady bognum. Sen maňa dymma diýme! Sen maňa «Dymma!» diýme! Kakamyrat REJEBOW. | |
|
| |
| √ Alabahar / Goşgular - 21.03.2024 | |
| √ Garaş maňa / Goşgular - 17.02.2024 | |
| √ «Отвергнув гордое сомненье…» / Goşgular - 29.02.2024 | |
| √ Hasap / Goşgular - 18.02.2024 | |
| √ Garyp köñlümiñ soltany / Goşgular - 21.02.2024 | |
| √ Wiswisi lakamly obadaşymyň ömür beýany / Goşgular - 25.03.2024 | |
| √ Dünýe... / Goşgular - 11.02.2024 | |
| √ Nädip ýaşamaly?! / Goşgular - 13.01.2024 | |
| √ Ömrümiñ manysy bolmaly zenan / Goşgular - 05.02.2024 | |
| √ Meniñ monologym / Goşgular - 01.01.2024 | |
| Teswirleriň ählisi: 0 | |