08:14 Artykdyr | |
ARTYKDYR
A.G-e. Salyhadyñ müñ gelinden zyýada, Kä erkekleñ edim-gylmy harpykdyr. Gybatyñy eden galsyn pyýada, Dymyp... Haka tabşyryşyñ artykdyr. Geldi-geçer dünýä... galypdyr kime?.. Heýhat!.. ömür ýelgamak deý ýortupdyr. Sen diñe goşgy ýaz! Goşgy ýaz diñe, Bizsizem dünýäniñ sözi artykdyr ~ bizsizem ýetipdir söhbeti-sazy, diýenleñ, owaldan akly kertikdir. Her kimiñ öz sözi, öz ýüzi, közi, Öz ýolun goýanlañ şany artykdyr. "Şahyr men" diýp käsi pallar-geriner, Marinadan* setir baryn kertipdir. Seniñ göräýmäge ýöntem görünýän, Goşgulañ şoñ sam-samyndan artykdyr. Sen dymsañam, men tüýkürýän ýüzüne, Baý-baý, olañ ýugrumynda şer köpdür... Sözüñ deñ gelmese olañ sözüne, Gyýylma. Orramsyñ güni artykdyr. Erte sözleriñden gözlärler kümüş, Bu gün merjenini küller örtüpdir. Öz sözün sözlänler gazanar Ýeñiş! Adyñy ýat etjek diller artykdyr. Galmagalsyz geçmez durmuş diýeniñ Ýüz-gözüñi gaýzykdyran sörtükdir. Bir ýazanyñ galar, birem söýeniñ, Gumly gelinleriñ ody artykdyr. Dertdeş barmy bize... şygyrdan eziz, Ägä bol, dünýäniñ teýi ýyrtykdyr. Seniñ nagt beren jogabyñ heniz, Karz-kowal alynan atdan artykdyr. ____________________________________ Bellik: * Marina - M.Swetaýewa, XX asyr rus şahyry. Has TÜRKMEN. | |
|
√ Göwünlik / Goşgular - 12.08.2024 |
√ «Превратила всё в шутку сначала…» / Goşgular - 29.02.2024 |
√ Akyl-huşy ýagşydyr / Goşgular - 28.08.2024 |
√ Rubagylar / Goşgular - 31.07.2024 |
√ Atsyz goşgy / Goşgular - 31.01.2024 |
√ Lenç edilen nakyl / Goşgular - 05.02.2024 |
√ Walid ogly sen Halid / Goşgular - 29.05.2024 |
√ Arassadyr / Goşgular - 05.08.2024 |
√ Magtymguly Pyragy / Goşgular - 27.08.2024 |
√ Ýigrimi ýyldan soñ / Goşgular - 12.07.2024 |
Teswirleriň ählisi: 2 | ||
| ||