Dagly gözele

DAGLY GÖZELE

Ýene ýürek gysyp kalbym gamlandy,
Dagly gözel, sebäbini bilýärmiň?!.
Gözlerimiň owalary nemlendi,
Dagly gözel, sebäbini bilýärmiň?!.

Meň bolşuma dymyp dursuň, ezizim,
Ýada senem geň gördüňmi bolşumy?
Ýa bir söýgä sen uçuran bolaýma
Ýa bir ýigit agyrtdymy başyňy?

Gördüňmi sen bu dünýäniň jemalyn,
Gözel gyz ýene-de saňa ýüzlenýän.
...Gözlem deger öýdüp bolşumdan gorkup,
Wahal-wahal jemalyňdan gizlenýän.

Gursagymda täk bir gyza orun bar,
Olam sensiň, bu jahanda geregim.
Sen dymýarsyň, jogap bermän dymýarsyň,
Oňa derek batly urýar ýüregim.

Amansähet ANNASÄHEDOW.