Ene gudraty

ENE GUDRATY

Gark bolaýsam, birden gamly köllere,
Ejemiñ bir damja ýaşyna degmez.
Ýolumdan azaşyp, çyksam köllere,
Ejemiñ bir damja ýaşyna degmez.

Damagymdan ötmän galsa şunçalar,
Gözünde ýaş gatan gara gijeler.
Täleýime ters atylan bijeler,
Ejemiñ bir damja ýaşyna degmez.

Ýollaryna ogryn-ogryn bakanym,
Ýalñyzlykda agyr ýüki çekenim,
Paý-pyýada dag-derýany sökenim,
Ejemiñ bir damja ýaşyna degmez.

Hassa bolup, mähir küýsäp "ahlanym",
Bagrym alyp, gyzyl otda daglanym,
Gijeleriñ gujagynda aglanym,
Ejemiñ bir damja ýaşyna degmez.

Howlusynda elwan güller tolkunýar,
Ädimlem batlanýar, görsem galkynýan,
Mähir berip, perişde deý ýalkanýar,
Şatlygym bir damja ýaşyna degmez.

Oguljennet NAZAROWA,
Daşoguz welaýatynyñ Akdepe etrabynyñ 20-nji orta mekdebiniñ mugallymy.