19:29 Goç | |
|
GOÇ
Goşgular
Seň maňlaýyň tüňňüligi nämüçin?! Neçün burum-burum buýnuzlaň, goçum?! Niçik ykbal: halkyň ýeke däbi üçin Başa-başda boýny üzülen goçum. Synlap türkmen ýasaw keşbiňi içgin, Ýene niçik many aňlaýyn. goçum?! Ýarylmak, bolmasa ýardyrmak üçin Tüňňi bitipmi seň maňlaýyň, goçum?! Howpuň howuny basyp temegiň bilen, Sürüp barýaň taýpaňyzyň gämisin. Goçum, sen öz köse eňegiň bilen Goramaly gür sakgallaň namysyn! Ýogsam seň alnyňda geçilerem kän, Serkeler... sakgaly, gaşlaram uzyn. Olar seň köpriňden geçibilermikän?! Geçmez. Şonuň üçin ýaşlaram uzyn. Hiç kimseden hiç bir närsä hiç haçan Seň hakyň ýok bolmaklyga tamakin. Serdarlykda göz küteler, güýç gaçar, Seň GOÇ bolup doglupsyň, - Saňa kyn!!! Torum ÝAÝLAN. | |
|
| |
| √ Şaglawuk / Goşgular - 02.01.2025 | |
| √ Men bir ýola... / Goşgular - 12.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Ýar laglyň arzuwlar men, jana bereý sen şypa... / Goşgular - 06.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Rubagylar / Goşgular - 10.01.2025 | |
| √ Dünýä maňa aşyk bolsun! / Goşgular - 07.01.2025 | |
| Teswirleriň ählisi: 1 | ||
| ||
0
