Hyýal

HYÝAL

Eýerläp hyýal atyny,
Gitdim ýene beýewana.
Ak çägede ak sazaklar,
Has-da, ak göründi bu gün,
Şonuñ üçin bu ýörelge,
Täk hem päk göründi bu gün.
Mätäç bolanda adama,
Saman asty, suw señrikden,
Agyp ýatan mähellede,
Ýaşap ýaýdana-ýaýdana,
Böwrüni diñläp ýadana...
Ýol boýunda synlan wagtym,
Ak takyryñ ýaryklaryn.
Geçip barýan ömri ýatlap,
Asla-asla darykmaryn.
Sebäbi, men yzlap barýan,
Çopan kakamyñ çelgisin.
Düñle çölden seda çykýar:
"Eý, syrdaşym, bu senmisiñ".
Duýmasa-da ýakynlarym,
Duýar sähra,
Bu halymyñ teñligini,
Serden geçýän ahwallaryñ,
Juda-juda geñligini.
Hem ynanar, müñkür bolman,
Sözlerimiñ dogrudygna,
Gursagymda ýanýan oduñ,
Giñ sähranyñ howrudygna.
Şoñ üçinem gidip barýan,
Beýewana ýalñyz, tenha,
O ýer maña juda eziz,
Özem golaýjakda, han-ha,
Ynha...

Gyzylgül ANNAGYLYJOWA.