Pursat

PURSAT

Ýap-ýañam şu ýoldan,
Ine, şu ýerden
Buz dek elim üfläp-üfläp ýyladyp
Geçipdim men... Häzir bolsa barýaryn
Onki süññüm lowladyp.

Dabanmyñ astynda gütürdeýär gar,
Sürçek bu-da gowşadanok badymy.
Gorsanýan ýüregim howsala bilen
Gaýtalaýar adyñy.

Ýaramaz gözlerden,
Ýaman pällerden
Hem betpygyl duýgulardan aýanym -
Goşarlarym sandyraýar çalaja,
Seniñ galan otagyñda hyýalym.

Lowlap ýanýan ýañaklarma dökülýär
Ýap-ýañyja sypan saçlaryñ tary.
Ah, ýüregim syganok-la gursagma,
Senmidiñ zary?!

Senmidiñ gijeler düýjüme girip,
Yşkyñ bal deý şerbetini içiren?
Senmi - umydymyñ algyr laçynyn
Al-asmana uçuran?!

Nemli dodaklarym ýylgyrýar çala,
Bir pursatlyk bagtyñ oduna lowlap.
Ýanaýyn, ýanaýyn ýanmaly bolsam,
Ýa-da ýakdyñmy synap?!

Näzik ANNATYÝEWA.