Çuňňur oý-pikire goýup başymy...

ÇUÑÑUR OÝ-PIKIRE GOÝUP BAŞYMY...

Çuňňur oý-pikire goýup başymy
Goşgy ýazma, mejbur eden sen dälmi,
Käte gizlin süpürip, gözýaşymy,
Aglamaga mejbur eden sen dälmi!?

Aşyk edip kän gözeliň yşgyna,
Joşdyrdyň sen , bezeg berdiň goşgyma,
Dolap aldyň, geçen ýolum, ýaşlygma,
Ýatlamaga mejbur eden sen dälmi!?

Senden başga bilýän ýokdur görenmi,
Kän görmesin Alla maňa berenni,
Ýeke men däl ähli ynsan ýüregni,
Para-para edip goýan sen dälmi!?

Sensiz ýaňlanmaýar aýdym, gazaly,
Sensiň ähli ýürekleriň özeni,
Aşyk ed:p, bagş etdiň, maňa Gözeli,
Duýgylaryň beýgi, söýgi, sen dälmi?

Remezan MÄMETGURBANOW.