Garly gün durmuşa çykan gyz

GARLY GÜN DURMUŞA ÇYKAN GYZ 

Ine, büräp ýatyr,
Dumly-duşy gar.
Asman haltasyndan, 
Ak tozga sepýär.

Men bolsa şol günde, 
Gyrawly köçäñ,
Kädi gözläp çykdum 
Bir näçe dükan!. 

Birden sen gyňaçly, 
Meňzäp hataba! 
Çykdyň, mündüň, gitdiň,
Elwan kejebä!

Hiç kimden soraman, 
Seniň kimdigiň. 
Diletdi kän zady, 
Seň türkmenligiň.

Hol beýle-de bolsa, 
Bir türkmen ýigit,
Tordan götermänkä 
Birje ak balyk,
Özüni göterdi
Şum, keç ykballyk!

Belki seni
Tozdurmasyn durmuşyň.
saňa duşan ýigit 
Ömür ýoldaşyň. 
Gyzgyn gujagyňda,
Ömür ýar bolsun.
Seniň näzleriňe,
Hyrydar bolsun.

Gar päklikdir,
Arassaja göwündir.
Gar aklykdyr,
Müýesser bu günüňdir.

Gara salam berip 
Turduň ir säher, 
Dünýaňy bezäpdir ap-ak giden gar. 
Bu günüňden başlap,
Hiç wagt –hiç haçan 
Ýüregiňe düşmesin eýjejik gubar. 

Asman seçeleýär, 
Ak gar, ak jöwen.
Goý saňa diläýin,
Ak gün –ak göwün.

Gyňajyňa düşdi,
Ak gar, ak bagt 
Durmuşuň bezesin 
Diňmesin 
Ýagyp....

Gapur HOJA.