08:37 Näbelli duralga | |
NÄBELLI DURALGA
"Göýä dirilik ýok olaň gözünde Çalajan meýitler, dilinde hudaý Çykdy garşymyzdan bir topar gedaý..." Gara SEÝITLI. Eziz halkym önjeýli öndürjekdi Penjesinden gül pürküp Gollarynda sungat güllejekdi... Arman indi! Bogazynda doňýar talap Omzuny uzadýar zir-zibillere Çalajan meýitler oňşuga tarap... Bu ýer näbelli bir duralga Gyzyl çyzygyň aňrysy Aşa külpet güzeri Bidüzgünlik manzary Ýol belgiler Tegelek, atanakdyr Çar tarap seresaplyk! Geçelge ýok! Belgi ýok! Girmek gadagandyr. Eziz halkym Watana eýe çykjakdyň Öndürjekdiň, ýasajakdyň Dolandyrjakdyň! Eýe çykdylar! Ýalan ýasadylar! Çet ýurduň önümini satdylar! Namysyňy çapdylar Dolandyrmadylar! Döndüler Dolandylar! Salgym boldy! Puja çykdy durmuşyň, Kem-kemden kemeldi azygyň, supraň Awa bulandy aşyň. Ne öňe gitýäris Ne de bir yza Bu ýer näbelli bir duralga Ne maşyn geljekmiş Ne-de awtobus Ne otly geçjekmiş ...Uçar uçjakmyş! Diňe bogazlarda bogulýar talap Göz dikilýär näbelli bir güzere Tarp ýerlere Seredilýär bi… tarap! Gafur HOJA. | |
|
√ Göreş / Goşgular - 11.02.2024 |
√ Lenç edilen nakyl / Goşgular - 05.02.2024 |
√ Suwdan ot çykaran goşgy / Goşgular - 31.01.2024 |
√ Nädip ýaşamaly?! / Goşgular - 13.01.2024 |
√ Dünýe... / Goşgular - 11.02.2024 |
√ Şert / Goşgular - 09.02.2024 |
√ Günüñ monology / Goşgular - 01.01.2024 |
√ Hakyky şahyr / Goşgular - 08.05.2024 |
√ Kyrk ýaşa ýüzlenme / Goşgular - 03.02.2024 |
√ Rubagylar / Goşgular - 01.01.2024 |
Teswirleriň ählisi: 0 | |