Gaýdýandyr

GAÝDÝANDYR

Sahylyk, ýedi arka Handan gaýdýandyr,
Pirlik, Biribara şandan gaýdýandyr,
Mertden Mert dogýandyr, dogumdan-dogum,
Halallyk Pederden, gandan gaýdýandyr.

Ýagyş suwy siñer gider, yz galmaz
Lowlar ýanar, jagramadan köz galmaz
Akly kemde paýhas bolmaz, duz galmaz
Pãli ýaman bende, Sandan gaýdýandyr.

Çuwal dãne bolar bir çümmük dãne,
Giden mãrekãni, boýun eder dana
Haka tagzym, gulluk etmek imana
Ol Yslam nurundan, dinden gaýdýandyr.

Nyşan bolar,
Dünýã inse bir Azym,
Hak hõkmüne Ynsan, etmeli tagzym.
Üşük, Gaýrat, Amal-dilegim arzym,
Kalp töre düşen jan, jandan gaýdýandyr.

Ýüz-müñ razy, ryzk tapan Sungatymdan,
Peşgeş aldym, Zeminiñ gymmatyndan
Bagtdyr! — bolmak, Resulyñ ymmatyndan
Iñ kámil ýol, Ol - Gurhandan gaýdýandyr.

Gazapdan gaýnap dur, Zemin gazany,
Ynsandan gyzýandyr — Dünýaň bazary.
Älem Sary düşen Hakyñ nazary
Ynsan içre, Zuban-şandan gaýdýandyr.

Ogulşeker HOJAÝEWA.