11:46 Men amanat | |
MEN AMANAT
Men saňa ýalbarýan, ýalbarýan ykbal, Lagnat daşyn asma meniň boýnumdan. Humar oýunlaňdan galyp men ahmal, Giderin sogrulyp seniň goýnuňdan. Dünýäň jümmüşine gelipdirin men, Kowma meni bu ýalançyň päline, Päkligiň çygyndan dolup durun men, Suwsamaryn ho-ol salgymyň kölüne. Ýer günähim, Asman meniň sogabym, Aralykda gezsem başym dik tutup, Ýaşaýyş göreşdir, men bolsa pälwan, Giderin, ummana utulyp-utup. Bu dünýäniň gudraty kän, güýji kän, Hakykat ýoluna başym sadaga. Diňe tämiz bolup ýaşamak hökman, Ýykylmaryn her atylan badaga. Pelegiň çarhynyň merjen dişine Tylla tarly saçlarymy daradym. Aýyň nazaryny orap daşyma, Ho-ol jennetiň serpiginden garadym. Ogulşeker HOJAÝEWA. | |
|
√ Nar / Goşgular - 22.04.2024 |
√ «Превратила всё в шутку сначала…» / Goşgular - 29.02.2024 |
√ Ak buýnuzly ak maral / Goşgular - 01.01.2024 |
√ Bagyşla! / Goşgular - 01.01.2024 |
√ Yzany yşkyma ýamag etdim / Goşgular - 15.04.2024 |
√ Kyrk ýaşa ýeteniñde / Goşgular - 03.02.2024 |
√ "Gelin jan..." / Goşgular - 26.03.2024 |
√ Düýş hem ýagyş / Goşgular - 09.01.2024 |
√ Meniñ monologym / Goşgular - 01.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
Teswirleriň ählisi: 0 | |