19:31 Gaýyneneli henekler | |
UMYT
Bir adam gaýynenesi bilen ýewropa syýahatyna gitmekçi bolýar. Dosty soraýar: — Sen mydama "gaýynenem erbet" diýip zeýrenip ýöreňokdiňmi? Indi bolsa ýewropa syýahatyna gidýärsiňiz? Dosty uludan dem alyp: — Wah, nädeýin dostum. Ol tiz-tizden "Ýewropany görkezmän Allah janymy almasyn" diýýär… Meňki ýönekeýje bir umytda… BEREKETLI TOPRAK Iki dost gürleşýär: — Bäriň topragy şeýlebir bereketlidir welin, niresine näme ekseň bire otuz edip berer. — Waý, jan dostum, dur, sesiňi çykarma! Dek düýnkide şu ýere gaýynenemi gömdük… ZÄHERLI KÖMELEK Hatyn lukmana baryp: — Haýyş ärimiň derdine bir derman tapyň— diýdi. — Äriňe näme boldy? — Özüni zäherli kömelekdir öýdýär we ejeme üznüksiz "bol çalt iý meni" diýýär… HOWPLY IŞ Bir adam gaýynenesini bäşinji gatdan aşak zyňandygy üçin sud edilýär. Sudiýa şaýatlary diňlänsoň, günäkärlenýäne: — Diýmek, gaýyneneňe juda gaharlananyň üçin tutaketdirin penjireden zyňdyň, şeýlemi? Emma, muň nähili howply işdigini hiç oýlamadyňmy? Birden şol mahal köçeden biri geçip barýan bolsa näme bolardy? SYLAG Zoparkda iki ýolbars gürleşýär: — Şol adam näme üçin saňa her hepde et getirip berýär? — Unutduňmy? Geçen ýyl kapasdan gaçyp gaýynenesini iýipdima… ŞIRIN SÖZ Hatyn ärine zeýrenýär: — Töräm, durmuş guranymyz bäri meň garyndaşlarym hakynda ýekejede şirin söz aýtmadyň. Diňe seňkiler gowy, meňkiler ýaman… — Öýkeleme guşjagazym. Çynyň bilen isleýän bolsaň aýdaýyn: Seň gaýyneneňi özümi söýüşim ýaly söýýän… A öz gaýynenemi bolsa dünýädäki iň erbet adam diýip hasaplaýan. Meň gaýynenem, seň gaýyneneň dyrnagyçada ýok. SÖZLÜK Bazardan gelen hatyn ärine: — Seret töräm, bu gün alan sözlügimde ýigrimi müň söz bar eken… Gaýynenesiniň dilinden ozalam ýanyp ýören adam: — Şuny kime görkezseňem, ejeňe bir görkezäýme, ýogsa bujagaz saçymdanam nam-nyşan galmaz. DERT Iki dostuň gürrüňi: — Gaýynenem bilen iki hepdeden bäri gürleşemok. — Hä, näme boldy, öýkeleşdiňizmi? — Ýok, ýöne oň gepini bölmek islämokda… HOWP Bir adam tejribeli, meşhur ýuristden soraýar: — Juda bilesim gelýär, adam iki heleýli bolsa nähili howp bilen garşylaşar? — Iki gaýyneneli bolmak howpy bilen… Terjime eden: Saparmyrat GÜRGENÇLI #Bellik: Degişmeleriň käbiri asyl nusgasyndan üýtgedilip alyndy. "1000 fikra" kitapdan alyndy. | |
|