Gurhanyñ sözi

GURHANYÑ SÖZI

Dünýädäki depderleriñ seresi,
Mukaddes kitabyñ - Gurhanyñ sözi.
"Kulhualla" sürelerniñ süresi,
Mukaddes kitabyñ - Gurhanyñ sözi.

Başlangyç süresi - onuñ alhamdyr,
Aýat, doga bendelerne melhemdir,
Muhammediñ ummatyna ylhamdyr,
Mukaddes kitabyñ - Gurhanyñ sözi.

Aby-köwser suwdan ganyp içmäni,
Gylsyrat köprini, dowzah, uçmany,
Ýada salar bendä ondan geçmäni
Mukaddes kitabyñ - Gurhanyñ sözi.

Dünýäniñ eýesi - Rebbil Älemin,
"Kun" diýende dörän, asman-u-zemin,
"Peýekun"-da - Tetjal geler sil kimin
Mukaddes kitabyñ - Gurhanyñ sözi.

Oña uýmadyklar Allaga ýatdyr,
O dünýe, bu dünýe iki berbatdyr,
Durky bilen Keramatdyr - Gudratdyr
Mukaddes kitabyñ - Gurhanyñ sözi.

Atageldi SALYHOW,
Murgap etraby.