GÜÝZ
Güýzüň elwan ýapraklary hyşyrdap
Basýan ädimlermi bir-bir sanaýar,
Bu tokaýdan geçip barýan-
Menmi ýa
Bu ýapraklar
Meniň bile ýöreýär.
Öňümde gyş, ak sakalyn sypalap
Bugaran aýnamy kakar elleri,
Tanyş
Doňak gözler
Hyjranly gollar
Işigimde durup gysar ellerim.
Häzir indi
kürsäp girýän otaga
Barmaklarym üfläp
Çoýýan Ellerim
Bir kitabyň gatlaryny sypalap,
Gyzynjak bolýaryn
Doly duýgudan
Galan ömre dalda gözläp
Her bapdan
Halas boljak bolýan
Gamdan
Gaýgydan
Inhä ýazan düşegine güýzleriň
Goý men özüm uzynlygna oklaýyn
Meniň bilen
Ala ýorgan bürenen
Duýgulary
Doňaklykdan saklaýyn.
Bilýän garga
Gonar hazanly baga
Bilýän ümür düşer
Aýazly daga.
Häzir meni tylla sözler jadylap
Öz girdine salyp
Hol alyp barýar.
Daşarda ýel turýar.
Çykýan eýwana
Saralan ýapraklaň
Ýeke birisi
Meň agaryp başlan
Saçyma gonýar...
Gapur HOJA.
