Haka

HAKA

Arzuwlap niçe menzile,
Baglamyş kaşaň kejebe.
Öň ýüki ýetik biçäräň,
Indi dert berme ejeme.

Yklym gezip, boş dolanan,
Hyýal gözünde sola:gan
Aglaýyr ruhy golagyň,
Indi dert berme ejeme.

Aglar bukulyp müýnünden,
Nädeý, nägile düýnünden,
Bagt gözlär dünýäň düýbünden,
Indi dert berme ejeme.

Didesin gussa içen deý,
Egnine älem göçen deý.
Bir naçara bular köp-eý
Indi dert berme ejeme.

Diýe-diýe ýeňläbilsem,
Ah, kim muny diňläbilsin,
Saýla meni kyl nä kylsaň,
Indi dert berme ejeme.

Ogulmeňli ÝARAŞOWA