21:54 Mazar oýlanmasy | |
MAZAR OÝLANMASY
Şahyrlar Atamyrat Atabaýew bilen Nobatguly Rejebow gonamçylykda oglum Turan bilen ýanaşyk ýatyrlar Bu hakda men oýlanmandym hiç haçan, Şahyr dostlar bilen goňşy mazaryň. Çagalygyň göz öňümde elmydam, Üwrelipdiň gujagynda azaryň. Barýan käte, başujuňda oturyp, Okaýaryn okalmaly aýatyň. Ýadymdan çykaryp bilemok soňam, Demirden ýasalan ýaşyl haýatyň. Men saňa akylsyz diýip biljek däl, Azam däldi durmuş hakda sowadyň. Nämüçindir göreşmeli wagtyňda, Gitdigiçe bu durmuşdan sowadyň. Şahyr bilen goňşy bolduň ýene-de, Çekipdiň olaryň çeken derdini. Başda Turan goýduk seniň adyňy, Il sylasyn diýip merdiň merdini. Bolmady, ir gitdiň, ir söndi alaw, Az ömrüňde köp ýanany görensiň. “Gerdişi keç gahba pelek elinden...” Ýalan dünýäň ýalanyndan irensiň. Barýan käte, başujuňda oturyp, Okaýaryn okalmaly aýatyň. Ýadymdan çykaryp bilemok soňam, Demirden ýasalan ýaşyl haýatyň... 16.12.2022. | |
|
√ Mürze ýigit / Goşgular - 12.03.2024 |
√ Nädip ýaşamaly?! / Goşgular - 13.01.2024 |
√ Lenç edilen nakyl / Goşgular - 05.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Günüñ monology / Goşgular - 01.01.2024 |
√ Şert / Goşgular - 09.02.2024 |
√ Dünýe... / Goşgular - 11.02.2024 |
√ Kyrk ýaşa ýüzlenme / Goşgular - 03.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Aldawçynyñ pañ-pañy / Goşgular - 18.01.2024 |
Teswirleriň ählisi: 1 | ||
| ||