22:24

Onuñ ady kimkä?

ONUÑ ADY KIMKÄ?

Şatlygyma şärik,
Gaýgyma şärik,
Garrylygym bilen ýaşlygma şärik
Boljak gyz nirdekä? Duşarka haçan?
Onuň ady kimkä? Nämekä käri?

Belki-de, ol gyzy gören däldirin,
Belki-de, ol çykandyram öňümden.
Ýa-da ýalňyz sözi aýtmaly wagty
Uýaljyrap geçendirin deňinden.

Ýöne meni söýjek şeýleräk gyzdyr:
Guwanç bilen bakýandyrlar yzyndan.
Şonda kä kişiler çümüp hyýala,
Närazy bolýandyr ogul-gyzyndan.

Mydam dişleýändir gijeýän dilin
Meni söýjek gyzy gören kelçikler.
"Şeýle gyz ogluňa bolaýsa gelin" —
Arzuwyn edýändir gelin aljaklar.

Meni söýjek gyzyň owadanlygy
Iliňkiden artyk ýa pesem däldir.
Kä oglanlar oňa "Owadan" diýse,
Käbiri diýýändir: "Beýle gyz kändir".

Şatlygyma şärik,
Gaýgyma şärik,
Garrylygym bilen ýaşlygma şärik
Boljak gyz nirdekä? Duşarka haçan?
Onuň ady kimkä? Nämekä käri?

Gurbanýaz DAŞGYNOW.
Категория: Goşgular | Просмотров: 489 | Добавил: Мylayym | Теги: Gurbanýaz Daşgynow | Рейтинг: 3.6/5
Awtoryň başga makalalary

Goşgular bölümiň başga makalalary

Şert / Goşgular - 09.02.2024
Kyrk ýaşa ýeteniñde / Goşgular - 03.02.2024
Победителям / Goşgular - 29.02.2024
Düýş hem ýagyş / Goşgular - 09.01.2024
Sumbaryñ kenarynda / Goşgular - 01.01.2024
Şemally gün / Goşgular - 27.01.2024
«Превратила всё в шутку сначала…» / Goşgular - 29.02.2024
Soltan / Goşgular - 27.03.2024
Bagyşla! / Goşgular - 01.01.2024
Was-wasylara... / Goşgular - 23.01.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]