22:24 Onuñ ady kimkä? | |
| ONUÑ ADY KIMKÄ? Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Belki-de, ol gyzy gören däldirin, Belki-de, ol çykandyram öňümden. Ýa-da ýalňyz sözi aýtmaly wagty Uýaljyrap geçendirin deňinden. Ýöne meni söýjek şeýleräk gyzdyr: Guwanç bilen bakýandyrlar yzyndan. Şonda kä kişiler çümüp hyýala, Närazy bolýandyr ogul-gyzyndan. Mydam dişleýändir gijeýän dilin Meni söýjek gyzy gören kelçikler. "Şeýle gyz ogluňa bolaýsa gelin" — Arzuwyn edýändir gelin aljaklar. Meni söýjek gyzyň owadanlygy Iliňkiden artyk ýa pesem däldir. Kä oglanlar oňa "Owadan" diýse, Käbiri diýýändir: "Beýle gyz kändir". Şatlygyma şärik, Gaýgyma şärik, Garrylygym bilen ýaşlygma şärik Boljak gyz nirdekä? Duşarka haçan? Onuň ady kimkä? Nämekä käri? Gurbanýaz DAŞGYNOW. | |
|
| |
| √ Памятник / Goşgular - 28.01.2023 | |
| √ Aramyz açyldy... / Goşgular - 08.02.2023 | |
| √ На серебряную свадьбу Е.П.Щукиной / Goşgular - 04.02.2023 | |
| √ Ýeller, maňa yşk hakynda aýdaýyň! / Goşgular - 06.01.2023 | |
| √ Преосуществление / Goşgular - 18.01.2023 | |
| √ «Пусто в покое моём. Один я сижу у камина…» / Goşgular - 15.01.2023 | |
| √ «И ночи и дни примелькались…» / Goşgular - 12.01.2023 | |
| √ Усталость / Goşgular - 14.02.2023 | |
| √ Maňa-da düşün! / Goşgular - 05.02.2023 | |
| √ Ракета / Goşgular - 24.01.2023 | |
| Teswirleriň ählisi: 0 | |