20:37 Pazyryk halysy | |
PAZYRYK HALYSY
Türkmeniň buýsanjy, taryh salamy, Pazyryk halysy — oguzlaň şany! Bitewi mukamdyr peder kelamy, Pazyryk halysy — oguzlaň şany! Ýigrimi dört gerçek — oguz ärleri, Bürgüt ýaly ganat açýar şirleri, Sugunlary — hatarynyň nerleri, Pazyryk halysy — oguzlaň şany! Goraglady ony Altaý daglary, Gyzyl düşeginde bahar çaglary, Sekizburç ýyldyzy göwnüm çaglady, Pazyryk halysy — oguzlaň şany! Oguz hanyň ündewidir nesline, Hemme haýran kemalyna, kesbine, Jebisligiň güýji siňen keşbine, Pazyryk halysy — oguzlaň şany! Şaýadydyr ýigrim alty asyryň, Şonda-da juwan ol, açanok syryn, Çyn sungatyň baky heýkelin görüň, Pazyryk halysy — oguzlaň şany! Rahmanberdi GÖKLEŇOW, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň aspiranty. | |
|
√ At galar / Goşgular - 11.02.2024 |
√ Aldawçynyñ pañ-pañy / Goşgular - 18.01.2024 |
√ Hakyky şahyr / Goşgular - 08.05.2024 |
√ Käbir aýallara melek diýýäñiz / Goşgular - 04.02.2024 |
√ Ömrümiñ manysy bolmaly zenan / Goşgular - 05.02.2024 |
√ Garyp köñlümiñ soltany / Goşgular - 21.02.2024 |
√ Erjellik / Goşgular - 05.01.2024 |
√ Şert / Goşgular - 09.02.2024 |
√ Düýşgowuran / Goşgular - 08.04.2024 |
√ Şemally gün / Goşgular - 27.01.2024 |
Teswirleriň ählisi: 0 | |