Şahyryñ aýaly

ŞAHYRYÑ AÝALY

Biz — şahyrlaň aýallary, hatyny,
Duşupdyrys haýsydyr bir öwrümde.
Şondan bärem nirä gitse gitsinler,
Sanjy bolup durus olaň böwründe.

Dogry, biz olara perzent berýäris,
Ýuwýas eşiklerin, ütükleýäris.
Ýöne käte bolgusyzja iňirdäp,
Şeýdip öz ýolumyz petikleýäris.

Käte «awunýasam» olaň elinden,
Aý, neme-dä, maşgala-da, maşgala.
Soň baryn unudyp ýaşaberýäris,
Ýöne söýülmegiň orny başga-la.

Her gün «işe» diýip, çykyp gidýärler,
Ol ýer bolsa gelin-gyzlaň mesgeni.
Olar özlerine serenjam berip,
Gözlerňize mähir bilen bakansoň,
Kalbyňyzda "orun" tutýar gös-göni.
Şygryňyza girip gidýär gös-göni.

Sizi nädip «jenaýata çekip» bor,
«Adalatyň kanunyny bozanlar?!»
Biz-ä şahyrlara aýal bolmaly,
A "söýülýän" başga-başga gözeller…

Ogulbäbek ORAZBERDIÝEWA.