Главная » 2020 » Aprel » 14 » Şol dälmi?!
14:24

Şol dälmi?!

ŞOL DÄLMI?!

Bu dünýäñ goýnunda barlygym üçin,
Enem-atam huzurynda baş egdim,
Olañ razylygny gazanmak üçin,
Göwnümde gör, nije düwünçek düwdüm.

"Goşalamak üçin özgäñ bagtyny,
Gyz enäñ törüni boşadar"-diýip.
Pata berip,atardylar ak ýola,
"Indi kyblañ-käbäñ goşadyr"-diýip.

Ýene göwne düwdüm, şol mähremleriñ,
Razylygny gazanmaly ýürekden.
"Gelnim, razy"- diýip, gözün ýumanda,
Diýdim: "Käbäm, wah, entekler gerek sen".

Alla gereklese çäresi bolmaz,
Meñem bir gün ýumulmaly gözlerim.
Şonda razy bolup başym sypasa,
Gözi ýaşly, yzda galan dözmezim.

Ynjalyp giderin dünýäñ goýnundan,
Asyl meniñ ähli ünjim şol dälmi!?
Ýakynlarmyñ razylygy meñ üçin,
Allañ huzuruna barýan ýol dälmi?!

Gyzylgül ANNAGYLYJOWA.

Категория: Goşgular | Просмотров: 379 | Добавил: Мylayym | Теги: Gyzylgül Annagylyjowa | Рейтинг: 4.0/2
Awtoryň başga makalalary

Goşgular bölümiň başga makalalary

√ Täjir tanşyma / Goşgular - 16.01.2024
√ Lenç edilen nakyl / Goşgular - 05.02.2024
√ Hakyky şahyr / Goşgular - 08.05.2024
√ Ýogaldy / Goşgular - 05.05.2024
√ Dostluk hakda / Goşgular - 18.02.2024
√ Meniñ monologym / Goşgular - 01.01.2024
√ Garaş maňa / Goşgular - 17.02.2024
√ Salam, Türkmenistan! / Goşgular - 01.01.2024
√ Goltugy daşly adam / Goşgular - 05.01.2024
√ Wiswisi lakamly obadaşymyň ömür beýany / Goşgular - 25.03.2024

Teswirleriň ählisi: 14
0
1 Nurdan  
100
Başyndan ahyryna çenli gõzüme ýaš aýlap okadym. Duýgulandyryjy eser diýesim geldi. Sebabi okanyñda ruhyñda galpyldy, teniñde jümşüldi dõredip bilse ol hakyky eserdir. Gyz maşgalanyñ mähribanlarynyñ ak ýola salmaklary bilen mukaddes ojagy ene-atany goýup gaýtmagy,õmûr boýy ilkinji nobatda şolaryñ abraýynyñ, yhlasynyñ hatyrasyna õzüni pida edip bilmegi bu diýseñ uly mertligi, õzüñe dõzümliligi talap edýan hadysa..Durmuşa cykybam ojak mukaddesligi, gaýynlaryñy ene-atañ yaly sylamagy bašarmak...

Gyzylgûl Gõzel Ynsan, ylhamynyza bereket. clover

Ýetirip duruñ. clover

0
2 Мylayym  
83
Geljekde ýaşalmaly täze bir maşgala gyzyny ynanyp, täze durmuşa ýola salansoň, ata-enäniň razylygyny gazanmak üçin, ilki bilen baran ýeriňe özüňi aldyrmakdan we olaryň saňa bolan garaýyşlaryndan alynan lezzeti bilen öz ata-eneňi begendirmeklik ýaly bagt ýokmyka diýýän. Olaryň öwüt-ündewlerini, wagyzlarynyň amala aşmagy bilen ýaşamagy dowam etmekligi hem-de geljekde öz geliniňden umytlaryň amala aşmagyny ündäp, Gyzylgülüň ýazan bu goşgusynyň ilkinji okyjysy bolanyma şatlandym. Goşgy ýürege ýakyn bolan soň, gaýtalap-gaýtalap, näçe okasam-da ýadatmady.

Ýüregiňe, galam tutan elleriňe saglyk, Uýam!

book flower

0
3 Jeksparro  
405
Indi baran ýeriniñ gaýyn enedir-gayyn atasyna eje kaka diyip yüzelener... smile

0
4 MrOKaS  
341
Gelinleriñ we gelin boljaklaryñ umuman gyz uýalarymyzy tolgundyryp ýüreklerini joşa geldiräýjek goşgy eken.

0
5 MrOKaS  
341
Iñ soñky bentdäki sözlerde ähli adamzada, ynsanlara durmuşda haýsy ýoldan ugur almalyklary barada aýdylypdyr.

0
6 Мylayym  
83
Jeksperro, belki, şeýle bolsun, geljekde, biziň-ä garşylygymyz ýok. ...?

0
7 MrOKaS  
341
Aslynda ýakynlarymyzyñ we ene atamyzyñ razlygyny almak iñ agyr we iñ añsat zat. Düşinen düşindi...

0
8 Pegas  
98
Menem ejeme gyz (gelin) tapsam... biggrin

0
9 jumagylyjovao  
88
Ajaýyp goşgy!

0
10 Gumlygelin  
8
Hoş sözler üçin ähliñiz sadaja minnerdarlygmy kabul ediñ.

0
11 Gumlygelin  
8
Pegas,şunça ýeññeñ barka gyz gaýgy bolmasyn saña smile

0
12 Hаwеrаn  
245
Bähh, öñ niredediñiZ? Asyl men öýlenmänkä şuñça ýeññemizem bolmandyr? biggrin

0
13 Hаwеrаn  
245
Aý onyñyz karam bolýa, oglumyñ aladasyny ejesi edibersin-le biggrin

0
14 Hаwеrаn  
245
Mekdebe yzyndan baramda "Kirpigiñ uzyn eken, bize beräý..." diýip eýýämden gyzlaryñ kowalap ýörşüni göremde, şol-a aladasyny ejesine-de ýetirer öýdemok blahblah

Teswiri diňe saýta agza bolan ulanjylar goşup bilýär.
[ Agza bol | Saýta gir ]