Türkmen dili

TÜRKMEN DILI

Ah, türkmeniñ dili! Bu ýöne dil däl,
Her gezek her ýerde diñlänimde men -
Uýýan añyrsynda dyñzaýan güýje
Hem gaýduwsyzlyga ýüregim bilen.

Ýugrulypdyr buýsanç, mukaddeslige
Onuñ kän gowgalar gören ykbaly.
Rüstem çykdy san-sajaksyz duşmandan
Depgiläp bilmedi atlaryñ naly.

Ol - ürgün çägeleñ göwsünden syzyp,
Dirilik paýlaýan çeşme mysaly, -
Lowurdal dur tylla öwüşgin bilen
Buýsançly, batyrgaý, diýseñ, şypaly.

Hawa, ol şeýle dil. Gizläp nädeýin
Ylhamam, şire-de onda ýeterlik.
Üýtgemän gelipdir biziñ günlere
Şol başky gözellik, şol başky terlik.

Süññünde asyrlañ gohy-gowgasy,
Hanjar sesi, gyzlañ kaddy bar, bilseñ.
Türkmen dili... birçak agsak Teýmiri
Sandyradyp, dyza çökeren dil sen!

Walentin SOROKIN,
rus şahyry.

1984 ý.

Terjime eden: Şäher BORJAKOW.