14:51 Tüweleý | |
TÜWELEÝ
Sen eý, tüweleý, Ýel girdaby, Hyýalym, ýatlamalarym, Sowruldy bary. Ýatladyp sendäki çöp-çalamlary, Gara ýel, apy tupan, syrgynmy, epgek, Deñizleri towusdyryp, çägeleri göçüren, Kalplary salan howsala, Olary ýeldirgeden Ýellerden. Dörediñ towlanyp-towlanyp, Ömrümizi sowuran, ruhumyzy öçüren Ýeller Seni öñüne salyp geler. Eý tüweleý. Ýüreklere ýel berdik, harasat gopdy, Ekenimizi orjagymyzy bilmedikmi biz ýogsa? Öýkelere ýol berdik, parasat hopdy. Ýerine sen dörediñ. Eý tüweleý, düşünjeler girdaby. Seçdiñ dänelerimizi, harmany dördüñ. Buşluklary boşluklara, Senalary günälere, garyp, Ne bähbit gördüñ. Çala göründigiñ, Bir-birege uzan eller Terse towlandy. Sen bilen geldi ýeller, Hatda Süýji jedel çekişmämiz Çar ýana çekelenip Asmanda nirädir duwlandy. Özümiz gitdik pytyrap. Gündogar, günbatar, ileri, gaýra, Köñlümiziñ jümmüşinde şeýtan garaýar. Añymyzyñ çür başy hile-al üçinmi merkez, Ruhumyzyñ girdaby, Towlanma, şuwlama, kes sesiñi, kes, Garaş-eý, Garaş-eý, Gargyş-eý saña, eý tüweleý. Hüdaýi JAN. Terjime eden Ylýas AMANGELDI. | |
|
√ Rubagylar / Goşgular - 01.01.2024 |
√ Mähremlikden nyşan sen... / Goşgular - 08.05.2024 |
√ Ýagyş damjasy / Goşgular - 24.03.2024 |
√ Bagyşla! / Goşgular - 01.01.2024 |
√ Şemally gün / Goşgular - 27.01.2024 |
√ Kyrk ýaşa ýüzlenme / Goşgular - 03.02.2024 |
√ "At bilen kowalap gördüler ony..." / Goşgular - 01.01.2024 |
√ Mürze ýigit / Goşgular - 12.03.2024 |
√ «Отвергнув гордое сомненье…» / Goşgular - 29.02.2024 |
√ Puluň başarnygy barada agymtyl goşgy / Goşgular - 10.01.2024 |