Wesýet

WESÝET

Imansyz esgeriñ, gorkak paşanyñ
Bir boýuna, birem inine tüýkür.
Gaçanda urulyp ýere düşeniñ
Bir läşine, birem ganyna tüýkür.

Öläýseñem hak iýdirme, hak iýme,
Aga gara, şar gara-da ak diýme,
Adalatdan daşlaşanda mahkeme,*
Bir häkime, birem kanuna tüýkür.

Derman bolsa içme duşman tasyndan,**
Hergiz daş zyñdyrma dost arkasyndan.
Ikiýüzli kimsäñ tut ýakasyndan,
Bir ýüzüne, birem janyna tüýkür.

Milletiñ pulundan berdirme kese;
Edirneden Wana, Mugladan Karsa
Nirede ýasama gahryman bolsa,
Suratyna, birem şanyna tüýkür.

Kesseñ gysgalmaýar jomartyñ eli,
Ýigidiñ adyna goşarlar däli.
Kakañ bolanda-da hudaýsyz öli
Bir ruhuna, birem synyna tüýkür.

Goý indi, hasabyn ölen-galanyñ,
Ynanana zulmy nedir zalymyñ.
Manyny ret eden sumak alymyñ
Bir ylmyna, birem bilmine tüýkür.

Abdyrahym KARAKOÇ.

_________________________
*Mahkeme - sud, kazyýet.
*Tas - jam, suwgap.