Aýaksyz adam

AÝAKSYZ ADAM

Ol iki aýaksyz,
oña juda kyn,
Ýöne öz bolşundan kemsinenok ol.
Agyr güni hakda,
kynçylyk hakda,
Illeriñ ýanynda dem syzanok ol.

Aýaklaryn ganly jeñde galanyn,
Maýyp bolanyny ilden görenok.
Ýa-da "bir okunda kyrk duşman urup",
Döşüne ýumruklap öwnüp ýörenok.

Süýrenip ýörenok,
tigirçeklem däl,
Agaç aýak! Öwrenişip gidipdir.
Watana buýsanjy,
hem namys-ary
Şeýdip ýaşamaga borçly edipdir.

Sona ÝAZOWA.