Bulam başga "Parallel gurluş"

BULAM BAŞGA "PARALLEL GURLUŞ"

Ýeri, JHP-niñ deputaty Mahmut Tanala dogry düşündik diýeli, oñky düşnükli, erbet niýeti ýok.
Halk Tv-ä çykyp jemagat-parallel gurluşy öwüp arşa çykaranlara näme diýmeli?
Odatv-de AKP-ä-de duýdurypdyk, "Jemagaty tanañzok, siziñem başyñyzy iýerler" diýipdik, emma gulak asdyryp bilmedik. Çünki içlerindäki "troýa atlaryna" ynanýardylar. Şindi... "Biziñ mähellämizi" ynandyrmak gerek!
Ýazyjy Um­ber­to Eko bilen meşhur kinomatografiýaçy Žan-Klod Karýeriñ gyzykly gürrüñdeşligi "Kitaplardan gutularyn öýtmäñ" (“Ki­tap­lar­dan Kur­tu­la­bi­le­ce­ği­ni­zi San­ma­yı­n”) ady bilen Türkiýede kitap görnüşinde çap edildi. Eko "kellesiz" sözüne şeýle düşündiriş berýär: "Ilkibaşda dogry-dürs pikir ýöredýän ýaly görünşine aldanarsyñyz, bir zatlaryñ kemdigini birbada añşyrmak kyn. Şonuñ üçinem howpludyr."
Karýer onuñ sözüniñ üstüni ýetirýär: “Ýalñyşany bilenem çäklenip oñmaýar. Ýalñyşyny gygyryp-bagyryp uly iliñ ortasyna çykyp öñe sürer we dogry etjek bolar, jar eder, hemmeleriñ ony eşitmegini islär. Jedele ýer goýmaýan anyk çözgütlere añsatlyk bilen ýetmek islär. Kellesizligiñ näderejede turba ýaly zarñyldap ses edýändigini görmek adamy haýrana goýýar.”
Kellesizlik biziñ üçin, meniñ üçin şuny aýdýar: "Jemagat oýun oýnap olary Siliwri türmesine atandygy üçin hakykatlary görenoklar!"
Şu sözi aýdýanlar ne bizi, ne Jemagaty tanaýar!
Aslynda şeýle diýýänler üns bereniñe degýän adamlar däl.
Emma mesele... bilkaslaýyn bolmadyk gereksiz işleriñ edilmegi däl, jemgyýetçilik kwalifikasiýasydyr.
Dowamly düşündirip-aýdyñladyp durmaga mejburdyrys, çünki hiç zady bilenoklar. Sap akyl we mekirlik bilen netije gazanarys öýdýärler. Aslynda bu tipiki AKP kellesidir.
Tür­ki­ýäniñ meselesi bu kelledir, ýagny, JAHYLLYKDYR!..
Ge­li­ñ… Jemagaty bu gezek Hytaýyñ "parallel gurluşy" arkaly düşündirmäge synanşaýyn…

• ABŞ-dan göni talap etdiler

Li Hunçži Çang­çunyñ adyny eşdeniñiz barmy, heý? A "Fa­lun Gong" jemagatyny bilýäniñiz barmy? Bilýänsiñiz öýdemok...
Li Hunçži 1998-nji ýylda AB­Ş-na göçüp bardy. Bir ýyldan soñ hytaý hökümeti Li Hunçžiniñ tarapdarlaryna garşy giñ gerimli operasiýa geçirdi: belli-belli adamlaryny tussag astyna aldy. Jenaýatçylykly guramanyñ başlygy hasaplanýan Li Hunçžini yzyna bermegi ABŞ-dan göni talap etdiler. Bermediler. Hytaý hökümeti ikinji gezek Interpoldan onuñ tussag edilmegini talap etdi. Interpol "syýasy we dini şahs" bahanasy bilen talaby ýerine ýetirmekden ýüz öwürdi.
Hytaý hökümeti Li Hunçžini raýatlykdan çykardy.
Nämeleriñ bolup geçendigine düşünmegiñiz üçin iñ başyna dolanaýyn...
Li Hunçži 1952-nji ýylyñ 27-nji iýulynda Demirgazyk Hytaýyñ Giri­n şäherinde dogulsy. (Bu­dda taryhyna gabatlaşdyrmak üçin doglan gününiñ 1951-nji ýylyñ 13-nji maýydygyny öñe sürýär. Dini rituallaryñ wagtyna deñ getirjek bolup, şuña meñzeş köp üýtgeşmeleri - galphorlyklary edýändigini bilmeýän ýok.)
Kiçi ýaşlardan başlap Tao we Budda derslerinde okady. Goşunda trompetçi (surnaýçy) we ammar kätibi bolup gulluk etdi.
Otuz ýaşady...
Hiç bir babatda adatdan daşary artykmaçlygynyñ ýokdugyna garamazdan, beden energiýasyny sazlaýan "hytaý sporty" ýa-da söweşjeñ sungat hökmünde bilinýän sigun ussady ola­rak, Hytaý döwle­tin­den mekdep açmaga rugsatnama aldy: Wagt 1992-nji ýylyñ 13-nji maýydy.
"Fa­lun Gong" Hytaýdaky sigunyñ bir şahamçasy hökmünde gö­rül­di, "Fa­lun Gong" Çi­gong ylmy instituty tarapyndan hasaba alyndy.
Li Hunçži bir­näçe çi­gong halypasy ýaly 1992-1994-nji ýyllarda Hytaýyñ uly şäherlerinde sapak berdi, mekdepler açdy. Onuñ çykyşlary, sapaklary diýseñ täsirlidi, özüne çekijidi.
"Falun Gong"-yñ okadylýan mekdeplerinden harwar-harwar pul ýagmaga başlady. Hytaý döwleti we jemgyýetçilik guramalary tarapyndan köp sanly baýraklara mynasyp görüldi. Daşary ýurtlardan çakylyklar gelmäge başlady. Birinji duralgasy 1995-nji ýylda Pariž boldy. Soñra Şwesiýa, ABŞ, Kanada, Awstraliýa, Täze Zelandiýa, Germaniýa, Şweýsariýa, Singapur ýaly ýurtlarda konferensiýalar berdi.
Ýazan kitaplary best­sel­ler bol­dy. Ki­tap­la­ry onlarça dile terjime edilip, dünýä ýurtlarynda ýaýradylmaga başlandy. Aýratynam ýokary okuw jaýlarynyñ talyplarynyñ arasynda köp sanly göwünjeñler döremäge başlady. Gurnaklar klub açýardylar. Sosial mediýadan diýseñ gowy peýdalanýardylar.
Käbir ýaş göwünjeñlerini täze gatnaşyklary açmak üçin ABŞ-na ugratdy. Hytaýyñ daşynda ýetmiş ýurtda guramaçylykly toparlandylar. Bu boýunça müñden gowrak mugallymy dünýä ýurtlaryna ugratdy.

• Pensilwaniýadan berlen ildeşlik

Nähili tötänlik: Pensilwaniýa Li Hunçžä “hormatly raýatlyk” ber­di!
Ýewropa parlamentiniñ agzalary tarapyndan Saharow adyndaky baýraga we Parahatçylyk boýunça Nobel baýragyna hödürlendi! Günbataryñ habar beriş serişdeleri ony "dünýäniñ iñ täsirli 500 adamyndan" biri hökmünde tanatdy. Dünýäniñ abraýly gazet-žurnallarynda interwýulary çykmaga başlady.
Li Hong­zhiniñ "baýdagy" parlaýardy. Emma...
Hytaý metbugatynda "Fa­lun Gong" taglymatynyñ üstünde jedeller başlady.
Şondan soñ Hytaý döwleti "jemgyýetçilik tertip-düzgünini bozup biläýjek toparlanmalara baş goşmazlygy" üçin Li Hunçžä duýdurdy.
Garaşylan jogabynam aldy: "Falun Gong"-yñ agzalary "döwlet bizi gysýar" diýip köpçülikleýin çykyşlary gurnamaga başlady. Günbataryñ habar beriş serişdelerini herekete geçirdiler, erkinlik talaplaryny öñe sürdiler. Günbatarly hökümetler we adam hukuklary boýunça guramalar hytaý hökümetini ýazgardy.
Haý diýmänem... Li Hunçži 1998-nji ýylda ABŞ-na ýerleşdi. Kän wagt geçmänkä, 1999-njy ýylym 20-nji iýulynda döwlet "Falun Gong" mekdeplerine garşy uly operasiýa geçirmäge başlady. Anyk sany häzirem näbelliligine galýan "Falun Gong"-yñ köp sanly tarapdarlary tussag astyna alyndy. Hökümet "täze din döretme" maksady bolan "Falun Gongy" "ýoldan çykan gurama" yglan etdi.
Hytaýyñ Jemgyýetçilik howpsuzlygy ministrliginiñ habar bermegine görä hurafalary öñe sürüp, nädogry ynançlary wagyz edýän we adamlary biri-birine garşy küşgürip sosial durnuklylygy howp astyna salmagy maksat edinýän "Fa­lun Gong" Günbataryñ gizlin gulluklarynyñ eline geçipdi.
Hytaý hökümeti "Falun Gonga" garşy söweş yglan etdi, olaryñ hakykatda näderejede howply akymdygyny mekdeplerde ýörite okuw sapaklaryna salyp görkezdi, afişalar we dokumental gepleşikler arkaly halka hakykaty düşündirdi.
Hytaý bilen Günbataryñ arasynda "berersiñiz-bermersiñiz" diýip häzirem Li Hong­zhi dawasy bar.
Aslynda... Koreýadaky protestant "Moon" tarykatydyr Ispaniýadaky "Opus Dei" tarykaty ýaly birnäçe mysallary bilýänsiñiz. Bularyñ hemmesi MRU-nyñ (CIA) ganatynyñ aşagyndaky dini jemagatlar!
Ertir size başga bir musulman ýurtdan başga bir fakty ýazmakçy...

Soner ÝALÇYN.

"SÖZCÜ" gazeti, 11.09.2014 ý.