Ezizim

EZIZIM

Şygyrlarmy ýanyp ýazdym,
Odum galandyr, ezizim.
Lebzim, namys-arym, andym -
Aýdym galandyr ezizim.

Ah, dünýe halys gül-çeçek,
Kimler bar galjak, ölmejek,
Bahar tisginip güllejek,
Badam galandyr, ezizim.

Söýdüm gündiz-gijelerňi,
Zülpüň näzik zirelerni,
Ölsem açgyl didelermi,
Adyň galandyr, ezizim.

Ýazdym, ýandym diňmän, diňmän,
Diňlän dertli köňül iňlär,
Ähli barym - däli dünýä,
Goýdum, galandyr, ezizim,
Aýdym galandyr ezizim.