Her döwür - bir döwür

HER DÖWÜR - BIR DÖWÜR

Ýanwar, fewral, mart, aprel,
Maý, iýun, iýul hem awgust,
Oktýabr hem noýabr, hem dekabr,
Ýitip gitdi dilimizden,
Göçüp gitdi ilimizden.

Oňa derek Türkmenbaşy,
Baýdak, Nowruz, Gurbansoltan,
Magtymguly, Oguz, Gorkut,
Alp-Arslan, hem Garaşsyzlyk,
Sanjar hem-de Bitaraplyk,
Atlarmyzyň başy boldy,
Göwünleriň “hoşy” boldy.

Bir hepdede ýedi günüň -
Duşenbäniň, sişenbäniň, çarşenbäniň,
Penşenbäniň, ýa annanyň, ýa şenbäniň, ýekşenbäniň,
Günäsi nä?
Ata-babaň bilýän ady,
Ýüzlerine sylýan zady.

Baş gün, ýaş gün hem-de hoş gün,
Hem sogap gün, hem anna gün,
Ruh güni hem-de dynç gün.
Hany olar, urdy nä jyn?!

Ýogsam, walla, aýtsam saňa,
Üýtgejekdi adymyzam,
Üýtgejekdi ýadymyzam.
Bir pähimdar Gerçek gelip,
Ýetişendir dadymyza,
Köp zat saldy ýadymyza...

27.02.2024 ý.