Her döwür - bir döwür

Şol "gerçek" mundan ýigrimi ýyl ozal Nyýazowdy. "Serdar sahawaty" atly kitap ýazanyňyzda.
Bu günler bu goşgy gerek däldi...

Merdan! Adyňa görä "gerçekleri" söýläpsiň.)

Ýolbaşçy aýlaryň adyny üýtgeden wagty şular ýaly goşgy ýazmak pikirine-de gelen däldir, awtoryň.

Agzalara ýüzlenme: goşgyñ gozgaýan pikirine düşünmän, oýlanyşyksyz we zoñtar teswirleri ýazmañ.
Hiç bir keseden tankydy bellik ediji şygyr hakyky şygyr bolanda awtoryñ aslynda näme diýmek isländigini doly bilip bilmez.
Ýerlikli we goşga dahylly bellikler edilse, hemmeler üçinem peýdaly. Emma bu ýazylanlarda gapyp alar ýaly suwytly zat ýok.

Ýaşuly publisist, zehinli şahyr Allaýar Çüriýewiň "Her döwür-bir döwür" goşgusy hakda subýektiw däl pikirlerim:

1. Goşgy rus edebiýatçylarynyň "злободне́вный", ýagny "Важный, существенный для какого-либо определённого момента." Möhüm, belli bir döwür, pursat üçin häsiýetli goşgy.
Bu goşgy biz diňe belli bir döwürde şowly bolmadyk özgerişlikler barada özboluşly beýan. Artykmaç ussatlyk beýleki geregem däl.

2. Ussatlyk barada aýtsam, goşgy täsin. Ak goşgy bilen kapyýaly nusgawy goşgynyň gibridi. O hem goşguda aý atlaryny kapyýalaşdyryp kynlaşdyryp okyjynyň çammalagyny çaşyrmajak bolup ussat şahyrymyzyň eden ýeňilligi.

3. Goşgy bize şahyryň ýöne-möne şahsyýet däldigini görkezýär. Öz döwrüniň, öz halkynyň söwer şahyry Allaýar Çüriýew wagty gelende hakykaty aýtmakdan çekinmeýändigini görkezýär.
Berekella şahyr aga!

P.S. Moderatora bellk:
Hormatly moderator, agzalara ýüzlenmäňizi ýüzleý gördüm). Iň azyndan birhili. Birje agza goşgyny okap şahyryň her döwür bir hili pikir-ýönelişli goşgy ýazyp bilýändigi, şeýle kolliziýalaryň boljakdygyny aýdypdyr. Aýyp däl o. Zoňtarlygam hasap edemok.
Özüm-ä Allaýar Çürini gowy ýazyjy hasaplaýan. Gökdepe baradaky goşgusyny dagy söýüp okaýan.
Ýöne kitapçy azajyk-da bolsa azat pikirlere hormat goýýandygy üçin Kitapçydyr.

Saýtyñ tankydy belliklere we erkin pikirlere açykdygyny iñ gowy siz bilýärsiñiz. Hiç bir agza öz ýazýan pikiriniñ absolýut hakykat bolup bilmejegini we pikirine garşy pikirleri hem aýdyp biljekdiklerini ýatdan çykarmaly däl. Şoña görä-de, baran ýeriñden isleýän açyklygyña özüñem amal etmegi başarmaly. Açyklyk ikitaraplaýyn bolmaly. "Ýok, beýle däl" diýilse, pikiriñi beýan etmäge garşy çykyldygy bolmaýar. Pikiriñi delillendirip biljegiñe gözüñ ýetse jedelleşibermeli. Ýalñyşanyñy bilseñ mertlerçe ýalñyşyñy boýun almaly ýa-da garşydaşyñ pikiriniñ dogrudygyna gözüñ ýetse, öz ýalñyş pikiriñden el çekip dogry pikire gol ýapmagy hem başarmaly. Diñe şonda netijeli we ýokary hilli pikir alyşmalary gurap bolar. Mesele biziñ aýdylýan garşylyklaýyn pikirler bilen ylalaşyp-ylaşmaýanlygymyzda däl.

Merdan18 köşeş. Wagtynda aýtmak diýýäniň şeksiz dogry, ýöne şahyryň soňundan şu meselä ýüzlenmegem ýaşlary geçmiş bilen tanyşdyrmak ahyry. Onsoňam, awtor siziň diýýän hakykatyňyzy boýun alýar. Ol "Şeýle döwür dowam eden bolsa adymyzam üýtgejekdi" diýip ýazýar. Kähalat şahyryň şygryndan logika talap etmek ýalňyşlyk. Şuňa düşüneweriň, hem başgalaryň pikirine çydamly bolalyň.