15:48 Ilýa Erenburgyň ýagty ýadygärligine | |
ILÝA ERENBURGYŇ ÝAGTY ÝADYGÄRLIGINE
![]() Kämahal tekjede ýatan kitaby Ele alyp okaýaryn gijeler. Munda döwrüň şagalaňy, şohy bar, Munda döwrüň gam-gussasy, gohy bar. Beýik adamlaryň ömür beýany, Içigara, kümsükleriň zyýany. Agyň gara, garalaryň ak bolşy, Boýna syrtmak atylanyň nalyşy. Namart kaýsy, merdan kaýsy bilinmez, Bu bir iş wagtydyr heňňam eglenmez Diýilýän döwürde ýanyp-bişeniň, Hem başyny belent tutup ýaşanyň Söhbetinden ýadamaýaň, irmeýäň, Men her gije hakykaty diňleýän. Ýigriminji asyr, niçikdir tabyň? Ýigriminji asyr, azdymy gäbiň?! Ýigriminji asyr, sen niçik zabun? Hem diýdim asyra: “Sen niçik mährem! Sen melhem, Sen ylham, Hem şirin zyban, Eý, ajap zaman” Hakykatyň gözleginde sergezdan, Bolup ýer ýüzüne aýlanan kişi, Belki, Pyragy deý saýlanan kişi, “Hakykatym!” diýip, jan çeken adam, Hakykat tapmady, ham eken adam. Barybir şere däl, uýup çyn söze, Şeýdip, hakykaty goýupdyr bize... 01-03.05.2024. | |
|
√ Sendedir sende / Goşgular - 17.07.2024 |
√ Dünýa hakda / Goşgular - 29.06.2024 |
√ Her döwür - bir döwür / Goşgular - 17.07.2024 |
√ Öýke / Goşgular - 24.06.2024 |
√ Mollanepes / Goşgular - 03.08.2024 |
√ Damak belasy... / Goşgular - 22.05.2024 |
√ Metamorfoza / Goşgular - 23.08.2024 |
√ Söý meni / Goşgular - 01.08.2024 |
√ "Gitdim senden ilerledip ümzügi..." / Goşgular - 01.01.2024 |
√ Eý, ýagyş möwsümimiz, aýralyk bilen aglaýan... / Goşgular - 27.08.2024 |
Teswirleriň ählisi: 1 | |
| |