Главная » 2023 » Iýun » 18 » Teñ
09:47

Teñ

TEÑ

Goşawuçlap gaýgy guýýar göwnüme,
Seniñ ümsümlige bürenip ýörşüñ.
Göýä Zemin münen ýaly egnime,
Ýegşerilip barýar dünýägaraýşym.

Uçupdyr ýanyña ruhum, pikirim,
A bärde galypdyr ýöreýän jeset.
Şamlygy bolmanka alahekegiñ,
Şol gury jesede bir gezek eset.

Öliñ şumlugynda öñüm garañky,
Ýoluma düşüpdir müñ çigin, epin.
Meñ öz günäm aç eşege ýük ahyr,
Jesetler götermez Zeminiñ ýükün.

Köñlüñe laý çökertmesin durmuşyñ,
Gam çekenñe mynasyp däl tañlygy.
Özüñ seslenmeseñ bozjak ýok ony,
Dowam eder sessizligiñ teñligi.

18.06.2023 ý.
Goşgular
Категория: Goşgular | Просмотров: 507 | Добавил: Haweran | Теги: Has Türkmеn | Рейтинг: 4.7/10
Awtoryň başga makalalary

Goşgular bölümiň başga makalalary

√ Kowusnama: Bedew edinmek hakynda / Goşgular - 12.01.2025
√ Şaglawuk / Goşgular - 02.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Lolular / Goşgular - 08.01.2025
√ "Ýene-de daň atdy..." / Goşgular - 01.01.2025
√ Ýar laglyň arzuwlar men, jana bereý sen şypa... / Goşgular - 06.01.2025
√ Ýagşy niýetler / Goşgular - 08.01.2025
√ Oňşuksyz öý / Goşgular - 12.01.2025
√ Dil pyrak odunda ýandy, galdy jan hijran era... / Goşgular - 12.01.2025
√ Meýdan güli / Goşgular - 30.01.2025

Teswirleriň ählisi: 6
0
1 sylapberdimuhamov  
1428
Goşgy hakda aýtsam, gowy eken. Birinji setirden başlap okyjynyň ünsüni baglap bilýär. Iň soňunda hem netije gowy.
Tüweleme, galamyňa bereket.

0
2 Shapak_A9602  
1502
Täsirli goşgy, pikirlere baý...

0
3 baharaliyeva39  
1028
Şahyr ýene bir gezek bizi real älemiň hakykatlary bilen garşylaşdyrýar. Hupbatly ýollarda halys düşüp, elini söýgülä uzadyp oňa bil baglaýan ýaly. Goşgyň esasy oňurgasy jeset bolsa-da ýöne jeset diýip geçmäliň. Jesediň hem bir ruhy bardyr. Çingiz hanyň aýdyşy ýaly: "Bir çüýjagaza kem baha garama. Bir çüýjagaz bir naly, bir nal bir aty, bir at bir serkerdäni, bir serkerde bir goşuny, bir goşun ýurdu halas eder. Sen ol çüýjagaz bol". Göwnümiz, dilegimiz haýyrdan ýaňa bolsun we ertirlerimiz şuglaly bolsyn! Pynhan duýgyň üsti bilen bize köp zady aňladyp bilýän ussatlaryň sany köp, galamlary ýiti bolsun.

0
6 Shapak_A9602  
1502
Çüýjagaz bolmaga çalyşmaly... Gowy pikir...

0
4 Garayolly25  
1449
Ajaýyp şygyr

0
5 bbaygeldiyew  
770
Oñat goşgy. Ömrüñ bolsun.

Teswiri diňe saýta agza bolan ulanjylar goşup bilýär.
[ Agza bol | Saýta gir ]