08:34 Ak ýagyş | |
AK ÝAGYŞ
Garaşyplar gözüm ýolda galdy-la, Ak ýagyşym gel-dä, eglenme munça. Agşam seniñ gulagyñy şañlatdyk, Sähra bilen oturdyk dañ atynça. Gel sen, Hakyñ nury, ýeriñ zynaty, Ýaşyl ýazlañ yşky seniñ bilendir. Gül gülälek kibti gysyk kemsinip, "Sen, sen" diýip, ýüregini dilendir. Damjalaryñ dürdür, jana dermandyr, Şaglap-şaglap, gülüp-gülüp seçil sen. Keýikleriñ okarasyn doldur-da, Görülmedik bir gül bolup açyl sen. Ak ýagyşym, uzat meýli käsäni, Giñ ýaýlalar serhoş bolsun bagtdan. Gürrüñ kändir ikimize edere, Ýüregiñi gowzat ýagyp-ýagyplar. Ak ýagyşym, zemin gelýär heýjana, Şirin owaz bolup, şöhle salañda. Asman şalygynyñ gamsyz çapary, Söýenme duşaryn, gülüp geleñde... Bahar TOSYÝEWA. | |
|
√ Was-wasylara... / Goşgular - 23.01.2024 |
√ Çarwa arabyñ söýgüsi / Goşgular - 10.02.2024 |
√ Tazy / Goşgular - 30.01.2024 |
√ Tilki bilen üzüm / basnýa / Goşgular - 10.01.2024 |
√ Meniñ monologym / Goşgular - 01.01.2024 |
√ Garyp köñlümiñ soltany / Goşgular - 21.02.2024 |
√ Ýogaldy / Goşgular - 05.05.2024 |
√ Nokat / Goşgular - 28.01.2024 |
√ Düýş hem ýagyş / Goşgular - 09.01.2024 |
√ Siziñki / Goşgular - 30.01.2024 |
Teswirleriň ählisi: 0 | |