Hakyda

HAKYDA

Agam Allaýar Çaryýewiň ýagty ýadygärligine

Ýetmiş bäş ýyl göterýärin adyny,
Müň dokuz ýüz kyrk dört, iýun ýigrim bäş.
Güllesinden wepat boldy faşistiň,
Belorus topragy, Witebsk hem Orş.

Doglan ýyly müň dokuz ýüz ýigrim bäş,
Ondan galan ýekeje zat suraty.
Başga hiç zat – ne galamy, kemeri,
Ne ýorgany, ne düşegi, gyraty...

Enem bilen gitdi ýatlamalaram,
Gujagy nist söýüp giden gyzynyň.
Men bu gün ýürekden aglaýan dostlar,
Ojagy nist goýup giden yzynyň.

Özüçe aglaýar her kim agysyn,
On dokuzda ýetmiş ýaşla agasyň...

25.02.2023 ý.