Halyçam

HALYÇAM

Bir halyça dokadym märiban ejem bile,
Içinde bir kebelek gonan ýaly ak güle,
On barmagmyň hünärin däne-däne oturtdym,
Şelaýynlap gülleri näz edip dur bilbile.

Sähramyň gülälekleri daglarynda öwüsýär,
Kebelekleň yzyndan ak owlagym towusýar,
Akar çeşmäň başynda gülälekler oýnaşyp,
Çeşmäň suwun balyklar towsup-towsup böwüsýär.

Inçe berip argaji ýakyn ekdim baglary,
Ökde kakdym daragyn berk dursun diýp daglary,
Alaja çitim bilen töweregi bezedim,
Üstünde ýatyp-turan hoş bolsun diyp çaglary.

Men-ä bir türkmen gyzy ýaz açylan gül ýaly,
Goýun-geçi bakýan men ýüňünden dokap haly,
Haýwanlaryn ekdiläp jan berdim men halyma,
Meniň halym türkmeniň şahyrana hyýaly,
Türkmende güýzüň gyzy şahyrana hyýaly.

Merýem ZAMANY,
Türkmensähra.