Periniñ

PERINIŇ

Keýpim çagdyr, işim rowaç,
Özün gördüm, men, periniň.
Bak, ýüzüme tapyp alaç,
Ýüzün gördüm men periniň.

Tama etmän gidenime,
Allam şükür edeniňe,
Tok ýaýrady bedenime,
Közün gördüm, men, periniň.

Akyl-huşuň düz ýerinde,
Ynam, many sözlerinde,
Yşarat bar gözlerinde,
Sözün gördüm, men, periniň.

Tötänlikde duşdum «Oňa»,
Bakdym sekunt, galman soňa,
Ümün duýdum, «Salam maňa»,
Gözün gördüm men periniň.

Illi aýdar, «Bagtym meniň»,
Otly köýnegin geýenim,
Ahyr bolandyr, diýenim,
Näzin gördüm, men, periniň.