20:12 Sensizlik | |
SENSIZLIK
Ýürek mydam duýgularyň ýesiri, Senli günler ýagşy niýet, päl maňa. Arzuwlanan günler kimiň nesibi, Sensiz dogjak bolsa derkar däl maňa. Sensiz dogjak bolsa günüňem nury, Gapysyny kakmaz tüm deý dünýämiň. Tüm deý dünýäň arasynda bir özüm, Ýönekeýje salgymdygmy bilýämiň. Ýa bilýämiň, gaýramyzdaky tuduň, Seni menden näçe gezek soranyn. Ynha, men şol, ýeke goýmak nirede, Hatda ýagşyň damjasyndan goranyň. Birwagt bulut gelip ýagsa üstüňe, Her ýagan damjadan halymy sora. Gorama damjadan, ýelden, tupandan, Meni ýalňyzlygyň derdinden gora. Goramasaň ynjyk dünýäm elener, Ýürek kabul etmez senden özgesin. Ir gel, giç gel, gelseň bolýar dünýäme, Ykbal maňa sensizligi dözmesin. • Ejeme Şineleýän, ýöntem goşgularymyň, Her setirme müňläp mährini seçen. Meni sen deý düşünene duşmadym, Ilkinji okyjym-mähriban ejem. Bir gogy ýazdygym derrew ylgardym, Howlugardym, gyssanardym ýanyňa. Ýöne soňky döwür ýazýan şygyrlam, Birahatlyk berýär öýtýän janyňa. Diýýäň: “Söýgi hakda ýazýan şygyrlaň, Gün-günden köpelip artýar göwrümi. Ýa ykbal yşk ummanyna atdymy, Bir ýigide beräýdiňmi göwnüňi.” Şeýdip oý-pikire batýarsyň, eje, Hem mydama diňläp otyň böwrüňi. A meň bar aladam, sönmez yhlasym, Şygyr bilen badaşdyrmak ömrümi. Goý, köpelsin söýgi hakda goşgular, Gaýgy etme ejemjan, batma gam-gussa. Men şu kespden tapmak isläp kemaly, Galama ýapyşýan ýüregim gyssa. Duýgusyny duýup bilsem ynsanlaň, Mundan uly bagt bolarmy eýsem?! Setire geçmäkä bilersiň ejem, Eger bir ýigidi ýürekden söýsem. Nurgözel ÝAZBERDIÝEWA, Magtymguly adyndaky Türkmen döwlet uniwersitetiniň talyby. | |
|
√ At galar / Goşgular - 11.02.2024 |
√ Tilki bilen üzüm / basnýa / Goşgular - 10.01.2024 |
√ Rubagylar / Goşgular - 01.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Meniñ monologym / Goşgular - 01.01.2024 |
√ Ak buýnuzly ak maral / Goşgular - 01.01.2024 |
√ Tazy / Goşgular - 30.01.2024 |
√ "Bagşylara" / Goşgular - 07.02.2024 |
√ Ýolbars we Möjek / basnýa / Goşgular - 05.01.2024 |
√ Käbir aýallara melek diýýäñiz / Goşgular - 04.02.2024 |
Teswirleriň ählisi: 2 | ||
| ||