Terk edilen köne ýurduñ...

TERK EDILEN KÖNE ÝURDUÑ...

Terk edilen köne ýurduñ ýolunda,
Sal-sal duýgulary gursagma gaplap.
Gulply gapylardan haraý gözleyän
Akylly pikirleñ üstünden ätläp.

Gury baglañ saýasynda saýalap,
Ýyrtyk meşikleri atdyrýan hallan.
Azansyz minara mañlaýmy diräp,
Dogasyz dilegme agtarýan dalla.

Nemi kepäp joýalanan ýaplardan
Teýimlik topraga kylyp synjamy...
Gün öñünde elim serip gygyrýan,
"Takdyr ýygna! ýalñyzlykda ynjany"

...Ne-hä ýygnaýan bar, ne-de nem bilen,
Ýaryk dodaklarmy öllän jemende.
Owal betbagt bolup dogan egsige,
Tutyş ömür ýaran bormyş keminden.

Syrdaş saýyp, erksiz galan ruhuma,
Ýorgutsyz düýşlermiñ basan garasyn...
Men henizem ýalñyzlykda otyryn,
Saklap terk edilen ýurduñ gyrasyn.

Laçyn ÖWEZOWA.