00:37 Ýadygär | |
ÝADYGÄR
Jana-janlyk, mähribanlyk kadasy, Nurly geljek – adamlara wadasy. Köp çekendir jebir Gorkut dädesi, Bular maňa SSSR-den ýadygär. Ymam däl-de, ynam ömrüň manysy, Görenlerim danalaryň danasy. Okan kitaplarym gözbaş – hanasy. Bular maňa SSSR-den ýadygär. Atam diýen sözi: – Zynhar, pis bolma, Köňül bossanynda dür bol, mis bolma, Mert bol, aslyň batyr, bus-bus bolma, Bular SSSR-den galan ýadygär. Söz bazary ajap bazar, gül bazar, Ýöne işiň bilen bolarsyň Hasar. Kär bolmasa elde, il senden bizar, Bular maňa SSSR-den ýadygär. Toý tutuldy, ýas baglandy bir bolup, Tilki däl-de, ýaşalandyr şir bolup. Zanny iman, ynsap, sogap, il bolup, Bular maňa SSSR-den ýadygär. Adam sözi ýaňlanypdy belentde, Lenin syýasaty – deňlik, elbetde. Gardaşyň niýeti däldi erbetde, Bular maňa SSSR-den ýadygär. Baý-garyp zamanaň bolmaz hezzeti, Ölinçäm ýadymda atam wesýeti. Çekmedim men haram puldan ezýeti, Bular maňa SSSR-den ýadygär. 06-07.12.2013. | |
|
√ Kyrk ýaşa ýeteniñde / Goşgular - 03.02.2024 |
√ Puluň başarnygy barada agymtyl goşgy / Goşgular - 10.01.2024 |
√ Siziñki / Goşgular - 30.01.2024 |
√ Kyrk ýaşa ýüzlenme / Goşgular - 03.02.2024 |
√ Garaş maňa / Goşgular - 17.02.2024 |
√ Mähremlikden nyşan sen... / Goşgular - 08.05.2024 |
√ "Ulag gidip barýar..." / Goşgular - 28.04.2024 |
√ Çarwa arabyñ söýgüsi / Goşgular - 10.02.2024 |
√ Жизнь / Goşgular - 29.02.2024 |
√ Rubagylar / Goşgular - 01.01.2024 |
Teswirleriň ählisi: 1 | |
| |