ÝATLADYM SENI

Ynha, bu gün ýene seni ýatladym...
Gamgyn sazyň owazyna duwlanyp,
Bir gez yza sarap, geçen ýyllary,
Serme siňen dumanlykda oýlanyp.

Nädip ýatlamaýyn bagtly döwrümiň,
Seniň barlygyňda geçen günlerni?
Mähir-muhabbede ýugrulan söýgüň,
Kalbyma garyşyp, siňen güllerni?

Ne göwne degişdik, ne-de tersleşdik,
Gumry kimin mynasypdyk, taýlydyk,
Bu durmuşyň mazasyndan, maňzyndan,
Ikimizem, hem haklydyk, paýlydyk.

Ýöne welin, aýra düşüren ýollar,
Yzynda yz galdyrmandy, bakara,
Kinelerden dörän ýowuz ýollarym,
Teşnelige, gyş-u-ýazu, bahara.

Bilýän, soňra gözlän ekeniň meni,
Giç bolan soň gözlegleriň haýry nä?
Alaçsyzdym, gol beripdim, takdyra,
Galman soň, umydym, meniň bu dünýä...

Daryksaň-da dünýäm, dünýäň giňligne,
Bagtly etdiň, bagtyň bolan melegňi,
A men bolsa, seni deňäp dünýäme,
Barlygyňda bagtly duýdum özümi.