12:59

Ýokardan aýtmasalar

ÝOKARDAN AÝTMASALAR

Kabinetden çykmaýar,
Ýokardan aýtmasalar.
Iş diýip gaş çytmaýar,
Ýokardan aýtmasalar.

Ekjek ýeri aýdylar,
Gitjek ýeri aýdylar,
Ganat-perden aýrylar,
Ýokardan aýtmasalar.

Il gelse-de ýanyna,
Barmaz iliñ ýanyna,
Girmez adam sanyna,
Ýokardan aýtmasalar.

Dosty ýok, deñ-duşy ýok,
Öz akyl, öz huşy ýok,
Edip bilýän işi ýok,
Ýokardan aýtmasalar.

Näler endik bolupdyr,
Işlese wah, bolup dur,
Gürläbilmän gülüp dur,
Ýokardan aýtmasalar.

Robot bolupdyr ylla,
Kelle döwmek hyllalla,
Nädip ýör ol, eý Alla,
Ýokardan aýtmasalar.

Sagdyn göwre syh ýaly,
Maşynynda myh ýaly,
Garşy almaz myhmany,
Ýokardan aýtmasalar.

Añlar zady añlamaz,
Geñlär zady geñlemez.
Aýdym-sazy diñlemez,
Ýokardan aýtmasalar.

Bir plany dolup dur,
Özgeleri galyp dur,
Bolmajysy bolup dur,
Ýokardan aýtmasalar.

Agyr bolsa-da haly,
Öwrenşipdir aýaly,
Indi maksat-hyýaly:
"Pälinden gaýtmasynlar."
Ýogsam... ol ýaşabilmez,
Ýokardan aýtmasalar.

Abdyreşit TAŞOW.
Категория: Goşgular | Просмотров: 336 | Добавил: Hаwеrаn | Теги: Abdyreşit Taşow | Рейтинг: 4.5/2
Awtoryň başga makalalary

Goşgular bölümiň başga makalalary

Siziñki / Goşgular - 30.01.2024
Dostluk hakda / Goşgular - 18.02.2024
Dünýe... / Goşgular - 11.02.2024
Käbir aýallara melek diýýäñiz / Goşgular - 04.02.2024
Was-wasylara... / Goşgular - 23.01.2024
«Превратила всё в шутку сначала…» / Goşgular - 29.02.2024
Salam, Türkmenistan! / Goşgular - 01.01.2024
Sowuk söz / Goşgular - 31.01.2024
Kyrk ýaşa ýüzlenme / Goşgular - 03.02.2024
Alabahar / Goşgular - 21.03.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]