Gam goşulan goşgy

GAM GOŞULAN GOŞGY

Bu mähir diýlen närse,
Niçik gudratka, eýse?!

Ýylgyran bolar, gülmez,
Berseň baryňy, ähli.
Güýmeseň onlap oýna,
Açylmaz çagaň şähdi.
Naýynjar garaýyşly,
Solgun gözleri ýaşly,
Küýsegi enäň mähri.

Galdym haýranlar, bala,
Mähire sen beter zar!
Özge enä bakaňda,
Zaryn, oýa bataňda,
Çogup, ýaşyň akanda,
Bu ýykylmyş dünýe dar,
Ataň bukulyp aglar.
Nätjek, kirli dünýäde,
Rehimsiz, niýeti pis,
Mähirsiz ene-de bar.

2021 ý.